ފުލުހުންނަށް ފިލަންވެގެން ދެ ކޭސް ބަނގުރަލާ އެކު، ހުޅުމާލޭގައި ބާރު ސްޕީޑެއްގައި ދުއްވި ސައިކަލެއް އެކްސިޑެންޓުވެއްޖެއެވެ.

ފުލުހުން ބުނީ ހުޅުމާލެ މަގުމަތި ޕެޓްރޯލް ކުރަމުންދިޔަ ފުލުހުންނަށް ފެނުމުން ފިލަންވެގެން، ބާރު ސްޕީޑުގައި ދުއްވި ސައިކަލެއް ވެހިކަލެއްގައި ޖެހި މިއަދު ހަވީރު އެކްސިޑެންޓުވެފައިވާ ކަމަށެވެ. ފުލުހުންނަށް ފިލަން ވެގެން ސައިކަލް ދުއްވީ ދެ މީހެކެވެ. އެ މީހުން އެކްސިޑެންޓުވުމުން، ބަނގުރަލާއި ސައިކަލް ވެސް ދޫކޮށް ވަނީ ފިލާފައެވެ.

އެ މީހުން ސައިކަލަށް ބަރުކޮށްގެން ދިޔައީ ދެ ކޭސް ބަނގުރަލެވެ.

ފުލުހުން ބުނީ އެ މައްސަލަ އިތުރަށް ބަލަމުންދާ ކަމަށެވެ.