މި ދުވަސްވަރު ރާއްޖޭގައި ލޮލު ރޯގާ ފެތުރެމުން އަންނާތީ ރައްކާތެރިކަމުގެ ފިޔަވަޅުތައް އެޅުމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން އެދިއްޖެއެވެ.

އެޗްޕީއޭ އިން މިއަދު ބުނީ ލޮލު ރޯގާ އަކީ ފަސޭހައިން ގައިން ގަޔަށް އަރާ ބައްޔެކެވެ. އެހެންކަމުން ބަލީގެ އަލާމާތްތައް ދެނެގަނެ ރައްކާތެރިކަމުގެ ފިޔަވަޅު އެޅުން މުހިއްމު ކަމަށް އެ އެޖެންސީ އިން ބުނެއެވެ.

https://twitter.com/HPA_MV/status/1612724731463233536?s=20&t=I3-5pYgN3WC-UfWyItGzkw

އެގޮތުން އެބަލިން ރައްކާތެރިވުމުގެ ގޮތުން ގިނައިން ސައިބޯނި ލައިގެން އަތްދޮވުން އާންމުކޮށް އަތްލާ ތަކެއްޗާއި ތަންތަން ސާފުކުރުމަށާއި ލޮލުގައި އަތްލުމާއި އުނގުޅުމުން ދުރުހެލިވުމަށާއި ބޭނުންކޮށްފައިވާ ޓިޝޫފަދަ ތަކެތި ރައްކާތެރި ގޮތުގައި ނައްތާލުމަށް އެޗްޕީއޭ އިން ވަނީ ބުނެފައެވެ.

ލޮލު ރޯގާ ނުވަތަ ކޮންޓަންކްޓިވަައިރަސް އަކީ ތަފާތު ވައްތަރުގެ ވައިރަހާއި ބެކްޓީރިއާގެ ސަބަބުން ޖެހޭ ބައްޔެކެވެ. އެ ބަލި ޖެހުމުން ހުން އައިސް ލޯ ހިރުވާނެއެވެ. މީގެއިތުރުން ލޮލޮން ފެން އައުމާއި، ލޯ ރަތްވުމުގެ އިތުރުން ލޮލުގައި މަޑުލާނެއެވެ.

އެހެންކަމުން ބަލީގެ އެއްވެސް އަލާމާތެއް ފެނިއްޖެ ނަމަ ލަސް ނުކޮށް ޑޮކްޓަރަށް ދެއްކުމަށް އެޗްޕީއޭ އިން ވަނީ އިލްތިމާސް ކޮށްފައެވެ.