ކ.ބޮލިދުއްފަރު ކައިރިން ކިނބުލެއް ފެނިގެން ސަލާމަތީ ބާރުތަކުން ހަރަކާތްތެރިވެއްޖެއެވެ.
އެމްއެންޑީއެފް އިން ބުނީ އެ ކިނބޫ މިހާރު އެމްއެންޑީއެފް ކޯސްޓްގާޑުން ހިފާފައިވާ ކަމަށެވެ.
ރިސޯޓެއްގެ ގޮތުގައި ތަރައްގީކުރަމުން އަންނަ ކ. ބޮލިދުއްފަރު ގޮނޑުދޮށާއި ކައިރިން އިއްޔެ ފެނުނު ކިނބޫ އެމްއެންޑީއެފް ކޯސްޓްގާޑުން ހިފީ މިއަދު ހެނދުނުގެ ވަގުތެއްގައެވެ.
އެ ކިނބޫ ހިފުމަށްފަހު ކ.ބޮލިދުއްފަރުން 24 ނޯޓިކަލް މޭލު ބޭރަށް މިހާރު ދޫކޮށްލާފައިވާ ކަމަށް އެމްއެންޑީއެފް އިން ބުންޏެވެ، އެމްއެންޑީއެފް އިން ބުނީ އެ ކިނބުލުގެ ދިގު މިނުގައި 14 ފޫޓު ހުންނަ ކަމަށެވެ.