ގދ. ގައްދޫ މަގު ހެދުމުގެ މަޝްރޫއުގެ ދަށުން މަގުތަކުގައި ތާރު އެޅުމުގެ މަސައްކަތް ރޯޑް ޑިވެލޮޕްމަންޓު ކޯޕަރޭޝަން (އާރްޑީސީ) އިން ބުނެފިއެވެ.

އެކުންފުނިން މިއަދު ބުނީ ގައްދޫގެ މަގު ހެދުމުގެ މަޝްރޫއުގެ ދަށުން އެރަށު ވަތަބަނޑޭރި މަގުގައި ތާރު އެޅުމުގެ މަސައްކަތް ފަށާފައިވާ ކަމަށެވެ.

ގައްދޫ މަގުތައް ޒަމާނީ ފެންވަރަކަށް ތަރައްގީ ކުރުމަށް އާރްޑީސީއާ ހަވާލުކޮށްފައިވަނީ 2019 ވަނަ އަހަރުގެ ޑިސެމްބަރު މަހުގެ 31 ވަނަ ދުވަހުއެވެ.

https://twitter.com/rdcmaldives/status/1614925548249296896?s=20&t=tiiAcP6SYjL7ghaxCWdvaw

އެ މަޝްރޫއުގެ ދަށުން ގައްދޫގެ ހަ މަގެއްގައި ތާރުއަޅާ ޒަމާނީ ފެންވަރަކަށް ތަރައްގީ ކުރުމަށް ވަނީ ނިންމައިފައެވެ. ގައްދޫގައި ހެދުމަށް ހަމަޖެހިފައި ވަނީ ހަ ކިލޯމީޓަރުގެ (65،381.24 އަކަމީޓަރު) ގެ މަގެވެ.

ދެހާސް ނަވާރަވަނަ އަހަރު އުފެއްދި އާރްޑީސީ އިން މިހާރުވެސް ރާއްޖޭގެ 16 ރަށެއްގައި މަގު ހެދުމުގެ މަސައްކަތް ކުރަމުންނެވެ.