ތޫނު އެއްޗަކުން ހަމަލާދީ މާލޭގައި މީހަކު ޒަހަމްކޮށްލައިފިއެވެ.

އެކަމާއި ގުޅިގެން ފުލުހުން މިއަދު ބުނީ މާލޭގައި މާރަމާރީ ހިންގައިގެން އުޅޭ ކަމުގެ ރިޕޯޓު މިއަދުގެ 16:10 ހާއިރު ލިބުނު ކަމަށެވެ. އެ ހާދިސާގައި އަނިޔާވި މީހާ އަށް އައިޖީއެމް ހޮސްޕިޓަލުގައި ފަރުވާ ދެމުން އަންނަ ކަމަށްވެސް ބުންޏެވެ.

އެހެންނަމަވެސް ޒަހަމްވި މީހާ އަށް ލިބުނީ ކިހާ ވަރެއްގެ އަނިޔާތަކެއް ކަމެއް ފުލުހުން ހާމައެއް ނުކުރެއެވެ. އެ މާރާމާރީގައި ހިނގާފައި ވަނީ ގިޔާސުއްދީން އިންޓަނޭޝަނަލް ސްކޫލު ކައިރިންނެވެ.