ހިޔާ ސަރަހައްދުގައި ދިރިއުޅޭ ރައްޔިތުންނަށް ހިތްފަސޭހަ މާހައުލެއް ޤާއިމުކޮށްދިނުމަށް ކުރެވެމުންދާ މަސައްކަތްތަކުގެ ތެރެއިން، ހިޔާ ސަރަހައްދުގައި ކުޑަ ކުދިންނަށް ޙާއްސަ ޕާކެއް ތަރައްޤީ ކުރުމުގެ މަސައްކަތް ބާރު ސްޕީޑުގައި ކުރިއަށްދާ ކަމަަށް އެޗްޑީސީ އިން ބުނެފިއެވެ.
އެ ކޯޕަރޭޝަނުން ބުނީ ކުޑަކުދިން ކުޅޭނެ ގިނަ އާ ސާމާނުތައް ބެހެއްޓި، އާ ކުޅިވަރުތައް ކުޅެވޭނެ އިންތިޒާމު ޕާކުގައި ހަމަޖެހިފައިވާ ކަމަަށެވެ.
މީގެ އިތުރުން، ހިޔާ ޓަވަރުތަކުގެ މެދުގައި ހުންނަ ހުސް ޖާގަތައް އެދެވޭ ގޮތެއްގައި ބޭނުން ކުރުމަށް ޓަވަރުތަކުގައި ދިރިއުޅޭ އާއިލާތަކާއި ގުޅިގެން ޕޮކެޓް ޕާކްތަކެއް ދަނީ ހަދުންނެވެ.

[caption id="attachment_47164" align="alignnone" width="2560"] ހިޔާ ޓަވަރުތަކުގެ ކައިރީގައި ތަރައްގީ ކުރާ ޕާކެއް[/caption]
އެ ސަރަހައްދުތަކުގައި ގަސް އިންދާ އަދި، އާއްމުންނަށް ބޭނުން ހިފޭނެ ގިނަ ކަންތައްތަކެއް ހިމެނިފައިވާނެ ކަމަށް އެޗްޑީސީން ބުންޏެވެ. މި ކޯޕަރޭޝަނުން ނިންމާފައި ވަނީ މި ޕޮކެޓް ޕާކްތައް ސީދާ ރައްޔިތުން ބޭނުންވާ ގޮތަށް ތަރައްޤީ ކުރުމުގެ މަގު ފަހި ކޮށްދިނުމަށެވެ.