ތިޔަ ފެންނަނީ ބޭރު ގައުމެއްގެ މަގެއް ނޫނެވެ. މިއީ ހުޅުމާލެއެވެ. މިއަދު ހުޅުމާލޭގެ ގިނަ ހިސާބުތަކުން ފެންނަ އެއް މަންޒަރަކީ މިއީއެވެ. ހުޅުމާލެ އަށް ބަހާރު މޫސުން އައިސް ގިނަ ބައެއްގެ މޫނު މައްޗަށް ހިނިތުންވުން މިއަދު ވަނީ ގެނެސްދީފައެވެ.

ފަތިހުގެ ހިތްގައިމު ވަގުތާއި ހަވީރުގެ ފިނި ވަގުތު މިއަދު ހުޅުމާލޭގެ މަގުތަކުން ފެންނަނީ މިފަދަ މާ އަޅާ ފުރިފައިވާ ގަސްތައް ކައިރީގައި މީހުން ޖަމާވެފައި ތިބޭ މަންޒަރެވެ. އާއިލާ ގޮވައިގެން ބައެއް މީހުން އެ ގަސްތައް ކައިރީގައި ފޮޓޯ ނަގާ ހަދާއިރު، ޒުވާން ޖިންސުންލަތީފުން ވެސް އަންނަނީ އެ ރީތި މާ ގަސްތައް ކައިރީގައި ހުއްޓިލައިގެން ތިބެ ފޮޓޯ ނަގަމުންނެވެ.

ފިޔާ ތޮއްޓާއި ހުދު ކުލައިގެ މަލުން ޒީނަތްތެރިވެފައިވާ މި ގަހަށް ކިޔާ އުޅެނީ މަޑިމަސްވަކަރު ގަހެވެ. މިދުވަސްވަރަކީ މި ގަހުގައި މާ އަޅާ ޖަރީ ކޮށްލާ ދުވަސްވަރެވެ.

މި ލިޔުމާ ގުޅޭ ވީޑިއޯއެއް:

https://twitter.com/hathavees/status/1627006792856387584?s=20

[caption id="attachment_47896" align="alignnone" width="800"] ހުޅުމާލެ އޯޓިޒަމް ސެންޓަރު ކައިރީގައި ހުރި ގަހެއް މާތަކުން ޖަރީވެފައި: މި ގަހުގެ ފޮޓޯ ނެގުމަށް ގިނަ ބައެއް ޒުވާނުން މި ސަރަހައްދަށް ޖަމާވޭ-- ހަތާވީސް ފޮޓޯ/ ޙުސައިން ޙަސަން[/caption]