ގދ. މަޑަވެލީގައި ރައީސް އިބްރާހީމް މުހައްމަދު ސޯލިހުގެ ކެމްޕެއިނު ޖަލްސާ އަށް ތައްޔާރު ކޮށްފައި ހުރި އެމްޑީޕީ ހަރުގޭގައި ހުޅުޖަހާ ރޯކޮށްލައިފިއެވެ.

ރައީސް ސޯލިހުގެ ކެމްޕެއިން ޓީމުން ހިއްސާ ކޮށްފައިވާ ފޮޓޯތަކުން ފެންނަ ގޮތުގައި އަލިފާނުގެ ހާދިސާގެ ސަބަބުން ހަރުގޭގައި ޖަހާފައިވާ ބައެއް ގޮނޑިތައް ވަނީ ވަރަށް ބޮޑަށް ހަލާކުވެފައެވެ.

އަދި ހަރުގެ ހިޔާ ކޮށްފައިވާ ތަކެއްޗަށް ވެސް ގެއްލުން ލިބި ހަރުގޭގައިވާ ރައީސްގެ ކެމްޕެއިން ޕޯސްޓަރަށް ވެސް ވަނީ ގެއްލުން ލިބިފައެވެ.

މިކަމާއި ގުޅޭ ގޮތުން ފުލުހުން ވަކި އެއްޗެއް ހާމައެއް ނުކުރެއެވެ.