ރާއްޖޭގައި ޑޮލަރު އެކްސްޗޭންޖު ރޭޓް ބޮޑުކުރާ ވާހަކަ ސަރުކާރުން މިއަދު ދޮގުކޮށްފިއެވެ.
ސަރުކާރުން އެހެން ބުނެފައިމިވަނީ ޑޮލަރު އެކްސްޗޭންޖު އަގު 25 ރުފިޔާއަށް މަތިކޮށް ދިވެހި ރުފިޔާގެ އަގު ދަށްކުރުމަށް އިންޑިއާއިން ދިވެހި ސަރުކާރަށް ލަފާދީފައިވާ ކަމަށް ބުނެ ނޫހަކުން ލިޔެފައިވާ ހަބަރަކާއި ގުޅިގެންނެވެ.
ރައީސް އޮފީހުގެ ތަރުޖަމާނު މިއުވާން މުހައްމަދު މިއަދު ވިދާޅުވީ ޑޮލަރުގެ އެކްސްޗޭންޖް ރޭޓް ބޮޑުކުރުމަށް ބޭރު ގައުމަކުން އެންގިކަމަށް ބުނެ މީޑިއާއަކުން ފަތުރާފައިވަނީ ކަނޑައެޅިގެން ހަގީގަތާ ހީލާފު ދޮގު ވާހަކައެއް ކަމަށެވެ. އަދި އެއީ ސިޔާސީ ބޭނުމެއްގައި ދައްކަމުންދާ ވާހަކަތަކެއް ކަމަށް މިއުވާން ތުހުތު ކުރެއްވިއެވެ.
"މިއީ އިންތިހާބާ ދިމާކޮށް ސިޔާސީ ބޭނުމަކަށް ދައްކާ ވާހަކަތަކެއް" މިއުވާން ވިދާޅުވިއެވެ. ޑޮލަރުގެ އެކްސްޗޭންޖް ރޭޓަށް ބަދަލުގެނައުމުގެ ވިސްނުމެއް ސަރުކާރުގެ ނެތް ކަމަށް ވިދާޅުވިއެވެ.
އަދި އެފަދަ ކަމަކާ ގުޅޭ ގޮތުން ބޭރުގެ ގައުމަކާ މަޝްވަރާކުރެވިފައި ވެސް ނުވާނެ ކަމުގެ ޔަގީންކަން މިއުވާން ދެއްވިއެވެ.
އިލެކްޝަންސްގެ މެންބަރުކަމަށް ޝަކީލް އައްޔަންކޮށްފި 
މަޖިލީހުގެ ރަނގަޅު ކޮމެޓީއަކަށް ސޯބެ ނުލާތީ އެމްޑީޕީގެ ކަންބޮޑުވުން 
އީސީއަށް ޝަކީލް އައްޔަން ކުރާތީ ހައްޖު ކޯޕަރޭޝަނުން އިސްތިއުފާ ދީފި 
ހިމަބިހީގެ އިތުރު ދެ ކޭހެއް، ޖުމްލަ އަދަދު 22 އަށް 
ސަރުކާރުން ހިންގާނެ މުހިއްމު 19 މަޝްރޫއުއެއް ކަނޑައަޅައި ރައީސް ގަރާރެ 
ލަމްހާ އާއި މާވިންގެ މައްޗަށް މޭރީ މަރާލިކަމުގެ ކުށް ސާބިތުވެއްޖެ 
