ލ. މައިބައިދޫ އިން އެމްޑީޕީ އަށް ފުރަތަމަ ފަހަރަށް އިންތިހާބަކުން މެޖޯރިޓީ ލިބޭނެ ކަމުގެ އުއްމީދު އެބައޮތް ކަމަށް އެޕާޓީގެ ރިޔާސީ ކެންޑިޑޭޓު އަދި ރައީސް އިބްރާހީމް މުހައްމަދު ސޯލިހް ވިދާޚުވެއްޖެއެވެ.

ލ. މައިބައިދޫގައި މިއަދު ބޭއްވި ކެމްޕެއިން ބައްދަލުވުމެއްގައި ރައީސް ވިދާޅުވީ އިސްލާހީ ހަރަކާތްތައް ފެށިއިރު އެރަށަކީ އެމްޑީޕީއާ ވިސްނުން އެއްގޮތް ރަށެއް ނޫން ކަމަށެވެ.

އެހެންނަމަވެސް އެރަށް މިހާރު ބަދަލުވެ، މިފަހަފު އެރަށުން އެމްޑީޕީ އަށް މެޖޯރިޓީ ލިބޭނެ ކަމުގެ އުއްމީދު އެބައޮތް ކަމަށް ރައީސް ވިދާޅުވިއެވެ.

މިދިޔަ ފަހަރު އެރަށުން އެމްޑީޕީ ބަލިވީ އެންމެ 20 ވޯޓުގެ ތަފާތުން ކަމަށާއި އެހެންކަމުން މިފަހަރުގެ އިންތިހާބުން މެޖޯރިޓީ ނަގަން ޖެހޭ ކަމަށް ރައީސް ފާހަގަކުރެއްވިއެވެ.