ރިޔާސީ އިންތިހާބުގެ ފުރަތަމަ ބުރުގެ ވަގުތީ ނަތީޖާ އާއްމުކޮށްފި

މިދިޔަ ހޮނިހިރު ދުވަހު ރާއްޖޭގައި ކުރިޔަށް ދިޔަ ރިޔާސީ އިންތިހާބުގެ ވަގުތީ ނަތީޖާ އާއްމުކޮށްފިއެވެ.

މިއަހަރުގެ ރިޔާސީ އިންތިހާބަކީ 2008ވަނަ އަހަރަށްފަހު އެންމެ ގިނަ ރިޔާސީ ކެންޑިޑޭޓުން ބައިވެރިވެވަޑައިގަންނަވާ އިންތިހާބެވެ. އެގޮތުން މި އިންތިހާބުގައި ޖުމްލަ 8 ކެންޑިޑޭޓަކު ވާދަކުރިއެވެ.

މީގެތެރޭގައި މިނިވަން ކެންޑިޑޭޓުންނާއި ސިޔާސީ ޕާޓީތަކުން ވާދަކުރާ ކެންޑިޑޭޓުން ހިމެނެއެވެ.

އިންތިހާބުގެ ވަގުތީ ނަތީޖާ:

1. އުމަރު ނަސީރު (އަމިއްލަ ގޮތުން) - 6،343 ވޯޓު

2. ހަސަން ޒަމީލް (އަމިއްލަ ގޮތުން) - 327 ވޯޓު

3. އިބްރާހިމް މުހައްމަދު ސާލިހު (އެމްޑީޕީ) - 86،161 ވޯޓު

4. ޑރ. މުހައްމަދު މުއިއްޒު (ޕީއެންސީ) - 101،635 ވޯޓު

5. ގާސިމް އިބްރާހިމް (ޖުމްހޫރީ ޕާޓީ) - 5،460 ވޯޓު

6. ފާރިސް މައުމޫން (އަމިއްލަ ގޮތުން) - 2،979 ވޯޓު

7. އިލްޔާސް ލަބީބު (ޑިމޮކްރެޓްސް) - 15،839 ވޯޓު

8. މުހައްމަދު ނާޒިމް (އެމްއެންޕީ) - 1،907 ވޯޓު

މި އިންތިހާބުގައި ވާދަކުރި އެއްވެސް ކެންޑިޑޭޓަކަށް 50 ޕަސެންޓަށްވުރެ މަތިން ލިބިފައެއް ނެތެވެ. އެހެންކަމުން އިންތިހާބުގެ ދެވަނަ ބުރެއް ބާއްވަން ވަނީ ނިންމައިފައެވެ. ދެވަނަ ބުރު އޮންނާނީ މިމަހު 30ގައެވެ.