މި މަހުގެ 30 ވަނަ ދުވަހު ބާއްވާ ރިޔާސީ އިންތިހާބުގެ ދެވަނަ ބުރުގައި އަލަށް 408 ޒުވާނުންނަށް ވޯޓުލެވޭ ކަމަށް އިލެކްޝަން ކޮމިޝަނުން ބުނެފިއެވެ.

އީސީގެ ނައިބް ރައީސް އިސްމާއިލް ހަބީބް ވިދާޅުވީ އިންތިހާބުގެ ފުރަތަމަ ބުރުގައި ވޯޓުލުމުގެ ހައްގު ލިބިފައިވާ މީހުންގެ ލިސްޓުގައި ހިމެނޭ 282395 މީހުންގެ އިތުރަށް، ދެވަނަ ބުރުގެ ވޯޓުލުމުގެ ހައްގު ލިބިފައިވާ މީހުންގެ ލިސްޓަށް 2023 ސެޕްޓެމްބަރު 30 އަށް 18 އަހަރު ފުރޭ 196 އަންހެންނާއި 212 ފިރިހެނުން ހިމެނޭ ކަމަށެވެ. އެއާއެކު ޖުމްލަ 408 ޒުވާނުން އިތުރުވެފައިވާ ކަމަށް ހަބީބް ވިދާޅުވިއެވެ.

އިތުރުވި ޒުވާނުންގެ ލިސްޓު އިލެކްޝަންސް ކޮމިޝަނުން މިއަދު އާންމުކޮށް ސަރުކާރުގެ ގެޒެޓުގައި ވަނީ ޝާއިއުކޮށްފައެވެ.

ލިސްޓަށް ޝަކުވާ ހުށަހެޅުން މި ހަުގެ 15 އިން 17 އަށް ހުޅުވާލާފައިވާ ކަމަށް އީސީން ބުންނޏެވެ.

އެހެންކަމުން، ވޯޓުލުމުގެ ހައްގު ލިބިފައިވާ މީހުންގެ ޖުމްލަ އަދަދަކީ 282803 ކަމަށް އީސީން ބުންޏެވެ.