މާލޭގައި މާރާމާރީއެއް ހިނގާ މީހަކު ޒަހަމްކޮށްލައިފިއެވެ.

މައުލޫމާތު ލިބިފައިވާ ގޮތުގައި މާރާމާރީ ހިންގުމަށް ބޭނުން ކޮށްފައި ވަނީ މަރުތޭލެކެވެ. މި މާރާމާރީ ހިނގާފައި ވަނީ މާލޭގެ ސޯސަން މަގު ވިލާ ޓީވީ ކުރިމަތީގައެވެ.

ފުލުހުން ބުނީ އެ ހާދިސާގެ މައުލޫމާތު މިއަދު 15:30ހާއިރު ލިބިފައިވާ ކަމަށެވެ. އަދި އަނިޔާވި މީހާ އަށް ހޮސްޕިޓަލުގައި ފަރުވާ ދެމުން އަންނަ ކަމަށްވެސް ބުންޏެވެ.

މި މައްސަލައާ ގުޅިގެން އެކަކު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.

އެ މައްސަލައާ ގުޅިގެން ބަލަންޖެހޭ ކަންކަން ބަލަމުން އަންނަ ކަމަށް ފުލުހުން ބުންޏެވެ.