ރާއްޖޭގެ ކަނޑުގެ ސަރަހައްދުން ވަގަށް މަސްވެެރިކަން ކުރަމުން ދިޔަ ބޭރުގެ މަސް ބޯޓުތަކެއް އަތުލައިގެންފިއެވެ.

އެމްއެންޑީއެފް އިން މިއަދު ބުނީ ދިވެހިރާއްޖޭގެ ހާއްސަ އިގްތިސޯދީ ސަރަހައްދުގައި ގާނޫނާއި ހިލާފަށް މަސްވެރިކަން ކުރަމުންދިޔަ ބޭރުގެ 4 މަސްބޯޓެއް އެމް.އެން.ޑީ.އެފް ކޯސްޓްގާޑުގެ ބެލުމުގެ ދަށަށް ގެނެސްފައިވާ ކަމަށެވެ.

މިބޯޓްތައް ކޯސްޓްގާޑުގެ ބެލުމުގެ ދަށަށް ގެނެސްފައިވަނީ އދ. މަހިބަދޫ "އަސުރުމާ" މަސްދޯނީގެ ފަރާތުން ފޯރުކޮށްދިން މަޢުލޫމާތުގެ އެހީގައި ހިންގި އޮޕަރޭޝަނެއްގައި ކަމަށް ވެސް ބުންޏެވެ.

އަދިވެސް އެ އޮޕަރޭޝަން ކުރިޔަށްދާތީ ތަފްސީލު ލިބޭ މިންވަރަކުން ފޯރުކޮށްދޭނެ ކަމަށް އެމްއެންޑީއެފް އިން ބުންޏެވެ.