އެމްޑީޕީން ވަކިވި މެމްބަރުންތައް އުފެއްދި ދަ ޑިމޮކްރެޓްސް "ގުއި ރޯނުގައި" ނުޖެހުމަށް ބިލެއްދޫ ދާއިރާގެ މެމްބަރު އަހްމަދު ހަލީމް (ދޮން ބިލެތް) ރޭ ގޮވާލައްވައިފިއެވެ.
އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ސޯލިހާ އެކު ގަލޮޅުގައި ރޭ ބޭއްވި ކަންމަތީ ބައްދަލުވުމުގައި ވާހަކަ ދައްކަވަމުން ދޮން ބިލެތް ވިދާޅުވީ އޭނާއާ އެކު މަސައްކަތްކުރި ވަރަށް ގިނަ ބަޔަކު އެމްޑީޕީއާ ދުރަށް ގޮސްފައިވާ ކަމަށެވެ.
"އަޅުގަނޑު ދަންނަވާލާނީ އެ ރައްޓެހިންނަށް [ޑިމްކޮރެޓްސްގެ މެމްބަރުންނަށް] ގުއި ރޯނުގައި ނުޖައްސަވާށޭ،" ދޮންބިލެތް ވިދާޅުވިއެވެ.
ދޮން ބިލެތް ވިދާޅުވީ ކުރީގެ ރައީސް އަބްދުﷲ ޔާމީންގެ ހީލަތްތެރި ރޭވުމުގެ ދަށުން ޕާޓީގެ ތެރޭގައި ޖެހުނު މައްސަލައިގެ "އެޑްވާންޓޭޖް" ނަގައިގެން ޕީޕީއެމުން މަސައްކަތް ކުރަނީ ދެ ވަނަ ބުރުގައި ޑިމޮކްރެޓުންގެ ވޯޓު މުއިއްޒަށް ދިނުމަށް ކަމަށެވެ.
"އެއީ ގުއިރޯނުގައި ޖެހުމަކީ. އެކަން އެއްވެސް ގޮތަށް ކުރާކަށް ނުވާނެ. އެއީ ބުއްދިވެރިކަމެއް ނޫން،" ދޮން ބިލެތް ވިދާޅުވިއެވެ. އޭނާ ވިދާޅުވީ ރަށްރަށުގައި ތިބި ޑިމޮކްރެޓުން މަޑު މަޑުން އެނބުރި އެމްޑީޕީއާ އަލުން ގުޅެމުންދާ ކަމަށެވެ.
އޭނާ ވިދާޅުވީ ސިޔާސީ ޕާޓީއެއް "މިނަށްވުރެ" ބޮޑު ވެއްޖެއްޔާ ހިޔާލު ތަފާތުވުން އުފެދޭނެ ކަމަށާއި ނަމަވެސް ޕާޓީން ވަކިވެ ޑިމޮކްރެޓުންނާ ގުޅުނު މެމްބަރުންނަށް ދޮން ބިލެތް ގޮވާލީ އަލުން އަނބުރާ އެމްޑީޕީއާ ގުޅުމަށެވެ.
"އަޅުގަނޑު ގަބޫލުކުރާ ގޮތުން މި އަންނަ ހަފްތާގައި 99 ޕަސެންޓް ޑިމޮކްރެޓް ބޭފުޅުން އަޅުގަނޑުމެންނާއެކު ބަދަލުވާނެ،" ދޮން ބިލެތް ވިދާޅުވިއެވެ.
އދގެ ސެކެޓްރީ ޖެނެރަލަކަށް އަންހެނަކު އިންތިޚާބުކުރަން ގޮވާލައިފި 
ހުޅުދޫ އާއި މީދޫ ބޭނުންވަނީ ވަކި ކައުންސިލެއް، ފޭދޫ އެގޮތެއް ނޭދޭ 
އައްޑޫ ވޯޓު: ފޯރިއެއް ނެތް، މިހާތަނަށް ވޯޓުލީ 3،410 މީހުން 
ރާއްޖޭގައި އުޅޭ ނޭޕާލްގެ ޒުވާން އަންހެން ކުއްޖަކު ގެއްލިގެން ހޯދަނީ 
ޔޯގާ ސްޓޫޑިއޯ ހުޅުވި މައްސަލަ: ދެ މިނިސްޓަރުން މަޖިލީހަށް ހާޒިރުކުރަނީ 
ސިނގިރޭޓް ވައްކަން: އިދާރާއަކުން ނަގާނެ އެއްވެސް ޒިންމާއެއް ނެތް 
