ދެން އުފެދޭ ޕީޕީއެމް/ޕީއެންސީގެ ސަރުކާރެއްގައި ދަ ޑިމޮކްރެޓްސް އިން ބައިވެރިވާނެ ކަމަށް އެ ޕާޓީގެ ވަގުތީ ޗެއާޕާސަން އަދި ހެންވޭރު ހުޅަނގު ދާއިރާގެ މެންބަރު ހަސަން ލަތީފް މިއަދު ވިދާޅުވެއްޖެއެވެ.

ހަސަން އެހެން ވިދާޅުވީ "އެކްސް" ގައި ކުރެއްވި ޕޯސްޓެއްގައެވެ.

އިތުރު މައުލޫމާތު ހޯދާލަން "ހަތާވީސް" އިން ހަސަންއާ ގުޅާލުމުން ވިދާޅުވީ އެކަމާއި ގުޅޭ ގޮތުން މި ވަގުތު އިތުރު މައުލޫމާތެއް ހިއްސާކުރެވެން ނެތް ކަމަށެވެ.

މުއިއްޒުގެ ސަރުކާރެއްގައި ޑިމޮކްރެޓްސް ބައިވެރިވާނެ ކަމަށް ހަސަން ލަތީފް ވިދާޅުވެފައިވާއިރު ރިޔާސީ އިންތިހާބުގެ ދެވަނަ ބުރުގައި ޑރ މުހައްމަދު މުއިއްޒަށް ތާއިދުކުރުމާއި ގުޅޭ ގޮތުން ޕީއެންސީއާއެކު އިން މަޝްވަރާތަކެއް ކުރިއެވެ.

ނަމަވެސް އެ ޕާޓީން ނިންމީ ފަހު ބުރުގައި އެއްވެސް ބަޔަކަށް ތާއިދުނުކުރުމަށެވެ.