ރާއްޖެ އަށް އެންމެ ގިނަ ފަތުރުވެރިން އަންނަ ދެވަނަ ގައުމަކަށް ޗައިނާވެއްޖެއެވެ.

އެންމެ ގިނަ ފަތުރުވެރިން އަންނަ ދެވަނަ ގައުމަކަށް ޗައިނާ މިވީ މީގެކުރިން ދެވަނަ އަށް އެންމެ ގިނަ ފަތުރުވެރިން އައިސްފައިވާ އިންޑިއާ ފަހަތަށް ޖައްސާލުމަށްފަހުއެވެ.

މިދިޔަ ހޯމަ ދުވަހުގެ ނިޔަލަށް ޗައިނާއިން 153,989 ޓޫރިސްޓުން ޒިޔާރަތްކޮށްފައިވާ ކަމަށް ޓޫރިޒަމް މިނިސްޓްރީގެ ތަފާސް ހިސާބުތައް ދައްކައެވެ.

އެންމެ ގިނައިން ފަތުރުވެރިން އަންނަ މާކެޓެއްގެ ގޮތުގައި އަދިވެސް އޮތީ ރަޝިޔާއެވެ.

މިހާތަނަށް 161,461 ޓޫރިސްޓުން ރަޝިޔާ މާކެޓުން ވަނީ ރާއްޖެއަށް ޒިޔާރަތްކޮށްފައެވެ. ތިންވަނަ އަށް އެންމެ ގިނަ ފަތުރުވެރިން އައިސްފައިވާ އިންޑިއާ އިން މިހާތަނަށް ރާއްޖެއަށް 153,424 ފަތުރުވެރިން ވަނީ ޒިޔާރަތްކޮށްފައެވެ.