ކުރީގެ ކޮމިޝަނާ އޮފް ޕޮލިސް ހުސެއިން ވަހީދު މާލޭގެ މޭޔަރުކަމަށް ވާދަކުރައްވާކަން އިއުލާން ކުރައްވައިފިއެވެ.

ހުސެއިން ވަހީދު އެކަން ހާމަކުރެއްވީ އެކްސް ގައި ކުރެއްވި ޕޯސްޓެއްގައެވެ.

އެކަމަކު ވާދަކުރައްވަނީ އަމިއްލަ ގޮތުން ކަމެއް ނުވަތަ ޕާޓީއެއްގެ ޓިކެޓެއްގައިކަން ހާމައެއް ނުކުރެއެވެ.

މާލޭގެ މޭޔަރުކަމުގެ އިންތިހާބު ބާއްވަން ޖެހުނީ އެ މަގާމުގައި މިހާރު ހުންނެވި ޑރ. މުހައްމަދު މުއިއްޒު ރިޔާސީ އިންތިހާބު ކާމިޔާބު ކުރެއްވުމުން އެ ގޮނޑި ހުސްވާތީއެވެ.

މާލޭގެ މޭޔަރުކަމަށް ވާދަކުރައްވާނެ ކަން ޔޫތު އެންޑް ސްޕޯޓްސް މިނިސްޓަރު އަހުމަދު މަހުލޫފް ވެސް ވަނީ އިއުލާން ކުރަައްވައިފައެވެ.