ރައްޔިތުން މަޖިލީހުގެ ރައީސް، ރައީސް މުހައްމަދު ނަޝީދުގެ އިތުބާރު ނެތް ކަމުގެ މައްސަލައަށް ޖަވާބުދާރީވުމަށް 30 މިނެޓު ދިނުމަށް ނިންމައިފިއެވެ.

ރައްޔިތުން މަޖިލީހުގެ އާއްމު ކޮމެޓީން ވަނީ އެ މައްސަލައިގެ މުޅި ބަހުސަށް 2 ގަޑިއިރު ދީ، މައްސަލައިގެ ބަހުސްގެ ފެށުމާއި ބަހުސްގެ މެދުތެރެއިން އަދި ބަހުސް ނިމުމުން ރައީސް ނަޝީދަށް 10 މިނެޓްގެ ތިން ފުރުސަތު ދިނުމަށެވެ.

ނަޝީދުގެ އިތުބާރު ނެތް ކަމުގެ މައްސަލަ މަޖިލީހަށް ހުށަހަޅާފައި ވަނީ އެމްޑީޕީގެ 48 މެންބަރުން ސޮއި ކުރައްވައެވެ.