ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)ގެ ނަމުގައި ސްކޭމް މެސެޖުތަކެއް ފޮނުވާތީ އެކަމަށް ސަމާލުވުމަށް އެދިއްޖެއެވެ.

ޑީއެޗްއެލްގެ ލިންކަކާއެކު ސްކޭމް މެސެޖުތަކެއް ޕީޕީއެމްގެ ނަމުގައި މިއަދު ވަނީ ބައެއް ފަރާތްތަކެއް ލިބިފައެވެ. އެހެންކަމުން އެ މެސެޖުގައިވާ ލިންކަށް ނުފިއްތުމަށް އެޕާޓީން އެދެއެވެ.

ރާއްޖޭގައި މިފަހަކަށް އައިސް ސްކޭމް މައްސަލަތައް ވަނީ ވަރަށް ބޮޑަށް އިތުރުވެފައެވެ.

ޕީޕީއެމްގެ ނަމުގައި ސްކޭމް މެސެޖުތަކެއް ފޮނުވާ މައްސަލައާ ގުޅިގެން ފުލުހުން މިއަދު ކޮށްފައިވާ ޓްވީޓެއްގައި ބުނީ އަނެއްކާވެސް ކަސްޓަމްސް ފީ ދެއްކުމަށް ކަމަށް ބުނެ އެކި ނަންބަރުތަކުން މެސެޖްތައް ފޮނުވުން ގިނަވެފައިވާކަން ފާހަގަކުރެވިފައިވާ ކަމަށެވެ. އެހެންކަމުން އެފަދަ މެސެޖްތަކަށް ސަމާލުވެ، މެސެޖްތަކުގައިވާ ލިންކަށް ނުވަނުމަށް ފުލުހުން ވަނީ އެދިފައެވެ.