ގއ. ގެމަނަފުށީގައި މަސް ހިފަން މޫދަށް ފޭބި މީހެއްގެ ގައިގައި ލޯންޗަކުން ޖެހި މަރުވެއްޖެއެވެ.

ފުލުހުން ބުނީ ދަގަނޑު ޖަހައިގެން މަސް ހިފަން މޫދަށް ފައިބައިގެން އުޅުނު މީހެއްގެ ގައިގައި ގެމަނަފުށީ ފަޅަށް ވަންނަން އައި ލޯންޗެއް ޖެހި އެކްސިޑެންޓެއް ހިނގާފައިވާ ކަމަށް ރިޕޯޓުކޮށްފައިވާ ކަމަށެވެ.

އެ ހާދިސާގައި މަރުވެފައި ވަނީ އުމުރުން 45 ގެ ދިވެހި ފިރިހެނެކެވެ.

ދާދިފަހުން ގެމަނަފުށި ކައިރި އޮންނަ ރަށެއް ކައިރިން ލޯންޗަކާއި ދޯންޏެއް ޖެހި އެކްސިޑެންޓެއް ހިނގާ ގެމަނަފުށި މީހަކުވެސް ވަނީ މަރުވެފައެވެ.