ކުރިޔަށް އޮތް ފަސް އަހަރު ރާއްޖޭގެ ރައީސުލްޖުމްހޫރިއްޔާ ކަމުގެ މަގާމުގެ ހުވާ، ޑރ. މުހައްމަދު މުއިއްޒު ކުރައްވައިފިއެވެ.

ޖުމްހޫރީ މައިދާނުގައި މިއަދު ހަވީރު ކުރިޔަށް ދިޔަ ރައްޔިތުން މަޖިލީހުގެ ޖަލްސާގައި ރައީސްކަމުގެ ހުވާ ޑރ. މުއިއްޒަށް ލައިދެއްވީ ސުޕްރީމް ކޯޓުގެ އުއްތަމަ ފަނޑިޔާރު އަހްމަދު މުއުތަސިމް އަދުނާނެވެ.

ރާއްޖޭގެ ރައީސްކަމުގެ މަގާމަށް ޑރ. ކުރިމަތިލެއްވުމުގެ ކުރިން ޑރ. މުއިއްޒު ހުންނެވީ މާލެ ސިޓީ ކައުންސިލްގެ މޭޔަރުކަމުގެ މަގާމުގައެވެ. ރައީސްކަމާއި ހަވާލުވެލެއްވުމަށް އެ މަގާމުން މުއިއްޒު އިސްތިއުފާ ދެއްވީ މިއަދުއެވެ.

ޑރ. މުއިއްޒަކީ ރާއްޖޭގެ ދެވަނަ ޖުމްހޫރީ ވެރިކަމުގެ 55 އަހަރުގެ ހަޔާތުގައި އަށް ވަނަ ރައީސުލްޖުމްހޫރިއްޔާއެވެ.

ދިވެހިރާއްޖޭގެ ރައީސްކަމުގެ ހުވާ ޑރ. މުހައްމަދު މުއިއްޒު ކުރެއްވުމުގެ ރަސްމިއްޔާތުގެ ތެރެއިން: ހަތާވީސް ފޮޓޯ | އިމްލީދު

މުއިއްޒަކީ ކުރީގެ ރައީސް ޑރ. މުހައްމަދު ވަހީދު ހަސަން މަނިކާއި ކުރީގެ ރައީސް ޔާމީންގެ ސަރުކާރުގެ ހައުސިން މިނިސްޓަރުކަން ޖުމްލަ ހަތް އަހަރު ދުވަސް ވަންދެން އަދާ ކުރެއްވި ބޭފުޅެކެވެ.

އެމަނިކުފާނު ވަނީ ސްޓްރަކްޗާ އިންޖިނިއަރިން ދާއިރާއިން ޑިގްރީ، ސިވިލް އިންޖިނިއަރިން ދާއިރާއިން މާސްޓާޒް އަދި ސިވިލް އިންޖިނިއަރިން ދާއިރާއިން ޕީއެޗްޑީ ހާސިލްކުރައްވާފައެވެ.