މާލެ ސިޓީ ކައުންސިލްގެ ގަލޮޅު މެދު ކައުންސިލަރު ރީހާން ނާޒިމް (ރީނޫ) ދަ ޑިމޮކްރެޓްސް އިން ވަކިވެއްޖެއެވެ.

ކުރިން އެމްޑީޕީގައި ހުންނެވުމަށްފަހު އެޕާޓީ ބައިބައިވެގެން އުފެއްދި ދަ ޑިމޮކްރެޓްސްގެ މެންބަރެއްގެ ގޮތުގައި ހުންނެވި ރީނޫ އެޕާޓީން ވަކިވާން ފޯމް ހުށަހަޅާފައިވާ ކަމަށް އެކްސްގައި ރީނޫ ކުރެއްވި ޕޯސްޓެއްގައި ވިދާޅުވިއެވެ.

އިތުރު ތަފްސީލް ދެއްވަމުން ރީނޫ "ހަތާވީސް" އަށް ވިދާޅުވީ ޕާޓީން ވަކިވީ މިނިވަން ކައުންސިލަރެއްގެ ގޮތުގައި މިވަގުތު ހުންނަން ބޭނުންވާތީ ކަމަށެވެ.

އިތުރު ޕާޓީއަކަށް ސޮއި ކުރައްވާނެތޯ އެހުމުން ރީނޫ ވިދާޅުވީ ސިޔާސީ މަސައްކަތުން އޭނާ ދުރު ނުވާނެ ކަމަށާއި ސިޔާސީ މައިދާނުން ފެނިގެން ދާނެ ކަމަށެވެ.