ރާއްޖޭގެ ބޮޑު ބަޔަކަށް މޫސުން ގޯސް ވާނެ ކަމަށް ލަފާކޮށް ވައިޓް އެލާޓު ނެރެފިއެވެ.

މޫސުމާ ބެހޭ ގައުމީ އިދާރާ އިން ވަނީ 12 އަތޮޅަކަށް ވައިޓް އެލާޓު ނެރެފައެވެ. އެއީ ހއ. އަތޮޅުން ފެށިގެން އދ. އަތޮޅާ ހަމައަށެވެ. މެޓު އޮފީހުން ބުނީ އެ އަތޮޅުތަކަށް ބޯކޮށް ވާރޭ ވެހުމާއެކު ގުގުރާނެ ކަމަށް ލަފާ ކުރެވޭ ކަމަށެވެ.

އެލާޓު ނެރެފައި ވަނީ މިއަދުގެ މެންދުރު 14:00 އިން ފެށިގެން 19:00އާ ހަމައަށެވެ.

މި ދުވަސްވަރަކީ ރާއްޖޭގެ އެކި ހިސާބުތަކަށް މޫސުން ގޯސް ދުވަސްވަރެކެވެ. އެގޮތުން ދާދިފަހުން މާލެ ސަރަހައްދަށް ބޯކޮށް ވާރޭ ވެހި ފެންބޮޑުވެ ބައެއް ގެތަކަށް ވެސް އެކަމުގެ ގެއްލުންތައް ލިބިފައިވެއެވެ.