ސްނޯކްލިން އަށް ދިޔަ ފަތުރުވެރިޔަކު ގެއްލިގެން ހޯދަން ފަށައިފިއެވެ.

އެމްއެންޑީއެފް އިން މިއަދު ބުނީ އަރިއަތޮޅު ރިސޯޓެއްގައި ސްނޯކަލްކުރަން އުޅުނު ފަތުރުވެރިއެއް ގެއްލިގެން އުޅޭކަމުގެ މައުލޫމާތު ލިބިފައިވާ ކަމަށެވެ. އަދި އެމީހާ ހޯދުމުގެ މަސައްކަތް ކުރުމަށް އެމްއެންޑީއެފްގެ ކޯސްޓު ގާޑުން ސާޗް އޮޕަރޭޝަނެއް ފަށާފައިވާ ކަމަށް އެމްއެންޑީއެފް އިން ބުންޏެވެ.

ގެއްލިގެން ހޯދަމުން އަންނަ މީހާއާ ގުޅޭ އެއްވެސް މައުލޫމާތެއް އެމްއެންޑީއެފް އިން ހިއްސާއެއް ނުކުރެއެވެ.

ރިސޯޓުތަކުގައި މީގެކުރިން ވެސް ސްނޯކްލިން އަށް ގޮސް އުޅެނިކޮށް ފަތުރުވެރިން ގެއްލި އަދި މަރުވެފައި ވެސް އެބަ ހުއްޓެވެ.