އައްޑޫ ސިޓީގައި ހަށިވިއްކުމުގެ ވިޔަފާރި ކުރަމުން ދިޔަ ދެ ތަނެއް ރެއިޑުކޮށް ބަޔަކު ހައްޔަރުކޮށްފިއެވެ.

"ހަތާވީސް" އަށް އެނގިފައިވާ ގޮތުގައި ފުލުހުން ރެއިޑު ކޮށްފައި ވަނީ އައްޑޫ ސިޓީ ހިތަދޫ ފުނަގަސްދޮށުގެ އާއި އައްޑޫ ސިޓީ މަރަދޫ ވަން އޮން އިން ނަމަކަށް ކިޔާ ގެސްޓު ހައުސްއެކެވެ. މި ދެ ތަނުން ވެސް ބަޔަކު ވަނީ ހައްޔަރު ކޮށްފައެވެ.

މި އޮޕަރޭޝަނުގައި ފުލުހުން ވަނީ ޖުމްލަ ހަތް މީހަކު ހައްޔަރު ކޮށްފައެވެ. އެގޮތުން މަރަދޫ އިން ތިން ބިދޭސީން ހައްޔަރު ކުރިއިރު ހިތަދޫ އިން ތިން ބިދޭސީ އަންހެނުންނާއި ދިވެހި ފިރިހެނަކު ވަނީ ހައްޔަރު ކޮށްފައެވެ.

ފުލުހުން ރެއިޑުކުރި މަރަދޫގެ ގެސްޓުހައުސް ---

މި މައްސަލައާ ގުޅިގެން ފުލުހުން އަދި ރަސްމީކޮށް އެއްވެސް އެއްޗެއް ހާމަ ކޮށްފައެއް ނުވެއެވެ.