މާލޭ ސިޓީގެ މަގު މައްޗަށް ކުނިއަޅާ މީހުންގެ ފޮޓޯ އާންމު ކުރަން ފަށައިފިއެވެ.

މާލޭގެ އެތައް މިތަނަކަށް ކުނިއަޅާ މައްސަލަ ބޮޑުވެ، ދުވާލެއްގެ މައްޗަށް މަގުތަކުން ނަގާ ކުނިތައް އެތައް ގުނައަކަށް އިތުރުވުމުން، ސިޓީ ކައުންސިލުން ވަނީ ކުނި އަޅާ މީހުން ޖޫރިމަނާ ކުރަން ފަށާފައެވެ. ކުނިއަޅާ މީހުން ޖޫރިމަނާ ކުރަނީ އާންމު އިޖުތިމާއީ އަމަލުތައް ހުއްޓުވުމާ ބެހޭ ގާނޫނުގެ ދަށުންނެވެ.

މާލޭ ސިޓީ ކައުންސިލުން ރޭ ވަނީ މަގުމައްޗަށް ކުނި އެޅި މީހެއްގެ ފޮޓޯ އާންމުކޮށްފައެވެ.

https://www.facebook.com/story.php?story_fbid=794419039384798&id=100064501280136&mibextid=WC7FNe

ސިޓީ ކައުންސިލުން އެދިފައި ވަނީ އެގޮތަށް ރައްޔިތުންނަށް އުނދަގޫވާ ގޮތަށް މަގުތަކުގައި ކުނި ބަހައްޓާ ފަރާތްތަކުގެ ފޮޓޯ އަދި ވިޑިއޯ ކައުންސިލަށް ފޮނުވައި ދެއްވުން އެެދޭ ކަމަށެވެ.

މަގުމައްޗަށް ކުނި އެޅި މީހަކު ހޯދަން ފުލުހުން ވަނީ ސީސީޓީވީ ފޫޓޭޖު ބަލައިގެން، މީހަކު ޖޫރިމަނާ ވެސް ކޮށްފައެވެ.