ހޮވައިގެން ގެނެސް ފުލުހުންނާ ހަވާލުކޮށްފައިވާ ފައިސާތަކެއްގެ ވެރިފަރާތް ހޯދުމުގެ މަސައްކަތް ފުލުހުން ފަށައިފިއެވެ.

ފުލުހުން މިއަދު ބުނީ މިމަހުގެ 14ވަނަ ދުވަހު ދޮންއަނދަރާދަ ހިނގުން ގ. ރެސްރޯން ކުރިމަތިން ހޮވައިގެން ގެނެސްފައިވާ 10،000 ރުފިޔާގެ ވެރި ފަރާތް ހޯދުމުގެ މަސައްކަތް ކުރަމުން އަންނަ ކަމަށެވެ.

އެ ފައިސާތަކުގެ ވެރި ފަރާތުން 9631696 އަށް ގުޅާ އިންސިޑެންޓް ނަންބަރާ [591082] އެކު މައުލޫމާތު ހިއްސާ ކުރުމަށް އެދޭ ކަމަށެވެ. އަދި ކާކުކަން އެނގޭނެ ލިޔުމަކާއެކު ގަލޮޅު ޕޮލިސް ސްޓޭޝަނަށް ހާޒިރުވެ ފައިސާއާ ހަވާލުވުމަށް ވެސް ފުލުހުން ވަނީ އެދިފައެވެ.

މީގެއިތުރުން މިމަހުގެ 16ވަނަ ދުވަހު މ. ހިޖާޒު ކައިރިން ހޮވައިގެން ގެނެސްފައިވާ 700 ރުފިޔާގެ ވެރި ފަރާތް ހޯދުމަށް ވެސް ފުލުހުން އަންނަނީ މަސައްކަތް ކުރަމުންނެވެ. އެ މައްސަލައިގެ އިންސިޑެންޓް ނަންބަރަކީ 591291 ފުލުހުން ބުންޏެވެ.