މޯލްޑިވްސް އިމިގްރޭޝަންގެ ޑެޕިއުޓީ ކޮންޓްރޯލާގެ މަގާމަށް އަހްމަދު އަޝްފާން ހަމަޖައްސައިފިއެވެ.

އިމިގްރޭޝަން އިން މިރޭ ވަނީ ސޯޝަލް މީޑިއާގައި އެ މަގާމަށް އަޝްފާން ހަމަޖެއްސިކަން އިއުލާންކޮށް، އަޝްފާނަށް މަރުހަބާ ދަންނަވައިފައެވެ.

އަޝްފާނަކީ އެ އިދާރާގައި 18 އަހަރު ހިދުމަތް ކޮށްފައިވާ ފަރާތެއް ކަމަށް ވެސް އިމިގްރޭޝަނުން ބުންޏެވެ.

އަޝްފާން އަކީ ރާއްޖޭގެ މަޝްހޫރު ފުޓްބޯޅަ ކުޅުންތެރިޔާ އަދި ގައުމީ ޓީމްގެ ކުރީގެ ކެޕްޓަން އަލީ އަޝްފާގް (ދަގަނޑޭ)ގެ ބޭބެއެވެ.