ރާއްޖޭގެ ރަށްތައް ފިތުރު އީދަށް ދިއްލާލުމަށް "އީދު އަލި" ހަރަކާތް މިރޭ ފަށައިފިއެވެ.

މި ހަރަކާތުގެ ދަށުން މާލެ ސިޓީ އާއި އަދިވެސް ރާއްޖޭގެ ބޮޑެތި ސިޓީތަކާއި ރަށްތައް ބޮކިފައްޗާއި ގިޑިގެތަކުން ދިއްލާލާނެއެވެ.

ޖުމްހޫރީ މައިދާނުގައި އޮތް އެ ރަސްމިއްޔާތު ޝަރަފުވެރި ކޮށްދެއްވީ ރައީސް ޑރ. މުހައްމަދު މުއިއްޒެވެ. ރައީސް މުއިއްޒާއެކު އަނބިކަނބަލުން ސާޖިދާ މުހައްމަދާއި އެދެކަނބަލުންގެ ބޭފުޅުން ބައިވެރިވެވަޑައިގެންނެވިއެވެ.

ޢީދު އަލި" ރަސްމިއްޔާތުގައި ޖުމްހޫރީ މައިދާނުގައި ހުރި ފައްވާރުވެސް މަރާމާތުކޮށް، އަލުން ވަނީ އިފްތިތާހުކޮށްފައެވެ.

ޖުމްހޫރީ މައިދާނުގައި ހުރި ފެންއަރުވާ ވަޑާން މަރާމާތުކޮށް އަލުން ހުޅުވާލުން: ފޮޓޯ | ޕީއެސްއެމް ނިއުސް

ފައްވާރު ހުޅުވައިދެއްވީވެސް ރައީސް މުއިއްޒެވެ. މި ފައްވާރަކީ ރާއްޖޭގެ މިނިވަންކަމަށް 50 އަހަރު ފުރުން ފާހަގަކުރުމަށް ކުރީގެ ރައީސް ޔާމީންގެ ވެރިކަމުގައި 2015 ވަނަ އަހަރު ބިނާކުރި ތަނެކެވެ.