ކުރީގެ ރައީސް އިބްރާހިމް މުހައްމަދު ސާލިހު (އިބޫ) އާއި އެމްޑީޕީގެ ޗެއަރޕާސަން ފައްޔާޒު އިސްމާއިލް އައްޑޫ ސިޓީއަށް މިއަދު ވަޑައިގެންފިއެވެ.

އިބޫ އާއި ފައްޔާޒު އައްޑޫ ސިޓީއަށް ވަޑައިގެންނެވީ އެމްޑީޕީ މަޖިލިސް ކެމްޕެއިނަށް ފުވައްމުލައް ސިޓީއަށް ކުރެއްވި ދަތުރުފުޅަށްފަހުއެވެ. އާރްޓީއެލްގައި އައްޑޫ ސިޓީ، ފޭދޫއަށް ބަނދަރަށް ރައީސް ވަޑައިގެންނެވުމުން، އެމަނިކުފާނަށް މަރުހަބާ ވިދާޅުވީ މަޖިލީހުގެ ރައީސް، މުހައްމަދު އަސްލަމާއި އައްޑޫ މޭޔަރު އަލީ ނިޒާރުގެ އިތުރުން އެމްޑީޕީ ޓިކެޓުގައި އައްޑޫ ސިޓީއަށް ވާދަކުރައްވާ ކެންޑިޑޭޓުންނެވެ.

ދެކުނުގެ އަތޮޅުތަކަށް ރައީސް އިބޫ ކުރައްވާ ދަތުރުފުޅު މިއަދާއި މާދަމާ އައްޑޫގައި މަޑުކުރައްވާނެއެވެ. އަދި އެއަށްފަހު ހުވަދުއަތޮޅަށް ވަޑައިގަންނަވާނެއެވެ.