މ .ރަތްމަންދޫ ބޭރުން ޑައިވިން ދޯންޏެއްގައި ފަރުމަސް ބާނަން ދިޔަ ބަޔަކު ގެއްލިގެން އެ ދޯނި ހޯދުމަށް ސިފައިން ކުރި މަސައްކަތުން ދޯނި ހޯދައިފިއެވެ.

އެމްއެންޑީއެފް އިން ބުނީ ގެއްލުނު ދޯނި ހޯދުމަށް އެމްއެންޑީއެފް އެއާ ކޯގެ އަސްކަރީ ޔޫއޭވީ އާއި އެމްއެންޑީއެފް ކޯސްޓްގާޑުގެ އުޅަނދުފަހަރު ބޭނުންކޮށްގެން ކަނޑާއި ވައިގެ މަގުން އެމްއެންޑީއެފުން ކުރަމުންދިޔަ މަސަައްކަތުން އެދޯނި ހޯދާފައިވާ ކަމަށެވެ.

އެ ދޯނި ފެނިފައި ވަނީ މ. ރަތްމަންދޫގެ 23 ނޯޓިކަލް މޭލު ބޭރުން އިންޖީން ހުއްޓިފަައިވަނިކޮށް ކަމަށް ވެސް ބުންޏެވެ.

އެ ދޯނި ގެއްލުނުއިރު ތިން މީހުން ތިއްބެވެ. އެމީހުންގެ ހާލަތު ވެސް ރަނގަޅު ކަމަށް އެމްއެންޑީއެފް އިން ބުންޏެވެ.