ހަތްހާހަށްވުރެ ކުދިންނާއެކު މި އަހަރުގެ އޯލެވެލް އިމްތިހާނު ފަށައިފިއެވެ.

އެޑިއުކޭޝަން މިނިސްޓްރީން ބުނީ އެ އިމްތިހާނު ރާއްޖޭގެ 257 ސެންޓަރެއްގައި ކުރިޔަށް ގެންދާ ކަމަށެވެ. މި އިމްތިހާބުގައި 7،501 ކުދިން ބައިވެރިވާ ކަމަށް ވެސް ބުންޏެވެ.

މީގެތެރޭގައި ހިމެނެނީ އައިޖީސީއެސްއީ ހަދާ 7،155 ކުދިންނާއި އެސްއެސްސީގެ 346 ކުދިންނެވެ. މިއަދު ފެށި މި އިމްތިހާން ކުރިޔަށް ދާނީ އަންނަ ޖޫން މަހުގެ 13ވަނަ ދުވަހާ ހަމައަށެވެ.

ރައީސް ޑރ. މުހައްމަދު މުއިއްޒުގެ ސަރުކާރުން ވަނީ އޯ ލެވެލް އިމްތިހާނުގައި ބައިވެރިވާ ކުދިން މަޖުބޫރު ހަތަރު މާއްދާ ހަދަން ޖެހޭ ބަދަލު ކޮށްފައެވެ. އަދި އެ މާއްދާތަކަށް ސަރުކާރުން ފައިސާ ދައްކާ ގޮތަށް ހަމަޖެއްސިއެވެ.