ރާއްޖޭގެ 14 އަތޮޅަކަށް މޫސުން ގޯސް ވާނެ ކަމަށް ލަފާކޮށް މޫސުމާ ބެހޭ ގައުމީ އިދާރާ (މެޓް) އޮފީހުން އެލާޓު ނެރެފިއެވެ.

މެޓު އޮފީހުން މިއަދު ވަނީ ހދ. އަތޮޅުގެ ރަށްތަކުން ފެށިގެން ތ. އަތޮޅުގެ ރަށްތަކާއި ހަމައަށް މޫސުން ގޯސް ވާނެ ކަމަށް ލަފާކޮށް އެލާޓު ނެރެފައެވެ.

އެލާޓު ނެރެފައި ވަނީ މިއަދު ހެނދުނު 7:15 އިން ފެށިގެން މެންދުރު 13:00އާ ހަމައަށެވެ.

އެވަގުތުތަކުގައި ބޯކޮށް ވާރޭވެހޭނެ ކަމަށް ލަފާކޮށްފައިވެއެވެ. އަދި ގުގުރުން ވެސް އެކަށީގެންވާ ކަމަށާއި ވިލާގަނޑުގައި ގަޑިއަކު 40 މޭލަށް ވައިގަދަ ވާނެ ކަމަށް ވެސް ވަނީ ލަފާ ކޮށްފައެވެ.