ކ. ގާފަރު ފަޅުގައި 16 ރަށް ހިއްކުމަށް މޯލްޑިވްސް ފަންޑް މެނޭޖްމަންޓް ކޯޕަރޭޝަން (އެމްއެފްއެމްސީ) އިން އަމިއްލަ ފަރާތަކާއި ހަވާލު ކޮށްފިއެވެ.

މި މަސައްކަތް ހަވާލުކޮށްފައިވަނީ ރާއްޖޭގެ ކުންފުންޏެއް ކަމަށްވާ އެޓޯލް ވޯކްސް ޕްރައިވެޓް ލިމިޓެޑް ނަމަކަށް ކިޔާ ކުންފުންޏަކާއެވެ. ރަށްތައް ހިއްކައި ރިވެޓްމަންޓް ޖެހުމުގެ މަސައްކަތަށް ޖުމްލަ 36 މިލިއަން އެމެރިކާ ޑޮލަރު ހަރުދަވާނެ ކަމަށް ވަނީ ލަފާކޮށްފައެވެ.

މި އަދަދަކީ ރާއްޖޭގައި މިވަގުތު ހިންގާ ހިއްކުމުގެ މަޝްރޫއުތަކަށްދާ ހަރަދަށްވުރެ ވަރަށް ބޮޑު ތަނުން ވެސް ކުޑަ އަދަދެއް ކަމަށެވެ.

މި މަޝްރޫއަކީ ކ. އަތޮޅުގައި އެއް ފަޅެއްގައި މިހާ ބައިވަރު ރަށްތަކެއް ހިއްކާ އެންމެ ފުރަތަމަ މަޝްރޫއުއެވެ. މި މަޝްރޫއުގެ ދަށުން ޖުމްލަ 106.91 ހެކްޓަރުގެ ބިން ހިއްކާނެއެވެ.