އިންޖިނިއަރިން ދާއިރާއަށް ޝައުގުވެރި ކުރުވަން ކުޑަކުދިން ދުވަހު ސްޓެލްކޯގެ ހަރަކާތެއް

ކުޑަކުދިން އިންޖިނިއަރިން ދާއިރާއަށް ޝައުގުވެރި ކުރުވުމަށްޓަކައި ކުޑަކުދިންގެ ދުވަހު ސްޓެލްކޯ އިން ހާއްސަ ހަރަކާތެއް ބާއްވަން ނިންމައިފިއެވެ.

ސްޓެލްކޯ އިން މިއަދު ބުނީ އެ ކުންފުނީގެ މާލޭ އިންޖީނުގެ ދައްކާލައި އިންޖިނިއަރިން ދާއިރާއަށް ކުޑަކުދިން ޝައުގުވެރިކުރުވުމަށް މައުލޫމާތުދީ، ފަންނީ ތަފާތު ތަޖުރިބާއެއް ކުރުމުގެ ފުރުސަތާއި ހަދިޔާ ބެހުމާއިއެކު ކުޑަކުދިންގެ ދުވަސް ފާހަގަ ކުރުމަށް ހާއްސަ ހަރަކާތެއް އެ ކުންފުނީގެ ހެޑް އޮފީހުގައި ކުރިއަށްގެންދިއުމަށް ހަމަޖެހިފައިވާ ކަމަށެވެ.

އެގޮތުން 10 މެއި 2024 ވާ ހުކުރު ދުވަހުގެ ހެނދުނު 8:00 ން 10:00 ށް އަދި ހަވީރު 16:00 ން 18:00 ށް އެ ހަރަކާތް ކުރިއަށްގެންދިއުމަށް ހަމަޖެހިފައިވާއިރު، އެ ހަރަކާތުގައި ވީހާވެސް ގިނަ ކުޑަކުދިން ބައިވެރިކުރުވުމަކީ އެކުންފުނީގެ ވަރަށް ބޮޑު އެދުމެއް ކަމަށް ސްޓެލްކޯ އިން ބުންޏެވެ.