ކުލަ ހެދުމުގައި ތިބި ފުލުހުންތަކަކަށް ބިރު ދައްކައި މާރާމާރީ ހިންގިކަމުގެ ތުހުމަތުގައި ބަޔަކު ހައްޔަރުކޮށްފިއެވެ.

ފުލުހުން ބުނީ އެ މީހުން ވަޅިން ބިރު ދައްކައި ފުލުހުންނާ މާރާމާރީ ހިންގާފައި ވަނީ ރޭ 10:00 ހާއިރު ކަމަށެވެ. އެ މައްސަލާގައި ހައްޔަރުކުރީ ތިން މީހެކެވެ.

އެއީ 39 އަހަރުގެ ދެ މީހަކާއި 35 އަހަރުގެ މީހެކެވެ.

ފުލުހުން ބުނީ އެ މައްސަލަ މިހާރު އިތުރަށް ތަހުގީގު ކުރަމުން އަންނަ ކަމަށެވެ. އަދި މީހުން ހައްޔަރުކުރުމުގައި އަމަލުކުރި ގޮތާ މެދު ޝަކުވާތަކެއް ލިބިފައިވާތީ ފުލުހުންގެ ޕްރޮފެޝަނަލް ސްޓޭންޑަޑް ކޮމާންޑް އިން އެކަން ބަލަމުން އަންނަ ކަމަށް ފުލުހުން ބުންޏެވެ.