ކަޔަކެއްގައި މޫދަށް ފޭބި މީހަކު ގެއްލިގެން ހޯދަން ފަށައިފިއެވެ.

ފުލުހުން މިއަދު ބުނީ ގދ. އަތޮޅުގައި އޮންނަ ރަފެލްސް މޯލްޑިވްސް ރިސޯޓުން މިއަދު ހެނދުނު ކަޔަކެއްގައި މޫދަށް ފޭބި މީހަކު ގެއްލިގެން ހޯދަން ފަށާފައިވާ ކަމަށާއި އެމީހާ އަކީ އެ ރިސޯޓުގެ ދޯނީގައި މަސައްކަތް ކުރާ ބަންގްލަދޭޝް މީހެއް ކަމަށެވެ.

ފުލުހުން ބުނީ އެ މީހާ ގެއްލިގެން އުޅޭ ކަމުގެ ރިޕޯޓު ލިބިފައިވަނީ މިއަދު ހަވީރު 3:30 ހާއިރު ކަމަށެވެ.

ކަޔަކެއްގައި މޫދަށް ފޭބި މީހަކު ގެއްލިގެން ހޯދަމުން އަންނައިރު މުދާ އުފުލާ ދޯންޏެއް ވެސް ގެއްލިގެން އަންނަނީ ހޯދަމުންނެވެ. އެ ދޯނި ހޯދަމުން އަންނަނީ މިދިޔަ ހުކުރު ދުވަހުން ފެށިގެންނެވެ.