ސައުދި އަރަބިއްޔާގެ ރަސްގެފާނު ސަލްމާން ބިން އަބްދުލް އަޒީޒްގެ އާލާސްކަންފުޅާ އުޅުއްވާތީ ރައީސް ޑރ. މުހައްމަދު މުއިއްޒު އެ މަނިކުފާނަށް އަވަސް ޝިފާއެއް ދެއްވުމަށް އެދި މެސެޖެއް ފޮނުއްވައިފިއެވެ.
އެކްސްގައި ރައީސް ކުރެއްވި ޕޯސްޓެއްގައި ވިދާޅުވީ މާތް ވެގެންވާ ދެ ހަރަމްގެ ޚާދިމް، ސަލްމާން ރަސްގެފާނުގެ ސިއްހީ ހާލުކޮޅާ މެދު ކަންބޮޑުވެވަޑައިގަންނަވާ ކަމަށާއި ރަސްގެފާނަށް އަވަސް ޝިފާއެއް ދެއްވާ ފުރިހަމަ ސިއްހަތެއް ދެއްވާތޯ ދުއާ ކުރައްވާ ކަމަށެވެ.
ސައުދީ ރަސްގެފާނު ސަލްމާން ބިން އަބްދުލް އަޒީޒް ފުއްޕާމޭގެ އާލާސްކަންފުޅަކަށް ޖިއްދާގެ އަލްސަލާމް ގަނޑުވަރުގައި އަންނަނީ ފަރުވާ ހޯއްދަވަމުންނެވެ.
އުމުރުން 88 އަހަރުފުޅުގެ ސައުދީ ރަސްގެފާނުގެ ފުއްޕާމޭގެ އާލާސްކަންފުޅު ރަނގަޅުވަންދެން އެންޓިބަޔޮޓިކްސް ބޭނުންކޮށްގެން ފަރުވާ ދޭނެ ކަމަށެވެ.
ރަސްގެފާނުގެ ސިއްހީ ހާލުކޮޅުގެ ސަބަބުން ސައުދީގެ ބޮޑުވަޒީރު އަދި ރަސްގެފާނުގެ ދަރިކަލުން މުހައްމަދު ބިން ސަލްމާން ޖަޕާނަށް ކުރައްވަން ހަމަޖެހިފައިވާ ދަތުރުފުޅު ވެސް ވަނީ ފަސް ކުރައްވައިފައެވެ.
މޭޔަރުންގެ ގޮނޑިތައް މިހާރުވެސް ތިއްބެވި އެމްޑީޕީގެ މޭޔަރުންނަށް 
އެމްޑީޕީން ބޮޑު ތަފާތަކުން ސަރުކާރު ބަލިކޮށްފި: ނަޝީދު 
76 ފޮއްޓެއް އަދިވެސް ބަންދު ނުކުރޭ 
އިލެކްޝަނުން އެދުމުން ކުރިޔަށް އޮތް ދެ ދުވަސް ސަރުކާރު ބަންދުކޮށްފި 
ކައުންސިލް އިންތިހާބާއި ހިޔާލު ހޯދުމުގެ އިންތިހާބު ފަށައިފި 
ވިލިނގި ސްކޫލުގައި ރޯވުން: އީސީގެ އެއްޗަކަށް ގެއްލުމެއް ނުވޭ 
