ތޭރަ އަހަރުގެ ކުޑަ އަންހެން ކުއްޖަކަށް ޖިންސީ ގޯނާކުރި ކަމުގެ ތުހުމަތުގައި ހައްޔަރުކުރި މީހާގެ ބަންދުގެ މުއްދަތު އިތުރުކޮށްފިއެވެ.

އެ މައްސަލައެއް ފުލުހުންނަށް ރިޕޯޓުކުރީ މި މަހު 19 ގަ އެވެ. ނަމަވެސް ކުޑަކުއްޖަކާ ގުޅޭ މައްސަލައަކަށްވާތީ އެކަމާ ބެހޭ އިތުރު ތަފުސީލުތަކެއް ފުލުހުން ހާމައެއް ނުކުރެ އެވެ.

އެ މައްސަލާގައި ހައްޔަރުކުރި އުމުރުން 27 އަހަރުގެ މީހެކެވެ. އެމީހާގެ ބަންދަށް ކޯޓުން ވަނީ 30 ދުވަސް ޖަހައިފައެވެ. އަދި އެމީހާ ފިލުވުމަށް މަސައްކަތް ކުރި ކަމުގެ ތުހުމަތުގައި އިއްޔެ 29 އަހަރުގެ މީހަކު ވެސް ހައްޔަރުކުރިއެވެ. އެމީހާގެ ބަންދަށް 12 ދުވަސް ވަނީ ޖަހައިފައެވެ.