ފުވައްމުލަކުގައި ޑައިވިންއަށް ދިޔަ ފަތުރުވެރިއަކު، މައްޗަށް އެރިފަހުން ހާލުދެރަވެގެން މަރުވެއްޖެއެވެ.

މަރުވެފައި ވަނީ 70 ޗައިނާ ޓޫރިސްޓެކެވެ. އޭނާ ޑައިވިންއަށް ދިޔައީ ފުވައްމުލަކު "ޓައިގާ ޝާކް" ޕޮއިންޓަށެވެ.

ފުލުހުން ބުނީ ފަތުރުވެރިޔާގެ ހާލު ދެރަވީ ޑައިވިން ނިންމާލައި، ދޯންޏަށް އެރިފަހުން ކަމަށާއި އިތުރުފަރުވާއަށް ހޮސްޕިޓަލަށް ގެންދިޔައިރު ވެސް އޭނާ މަރުވެފައިވާ ކަމަށެވެ.

"ހާލަތު ދެރަވެގެން ހޮސްޕިޓަލަށް ގެންގޮސްފައިވާ ކަމަށް މިއަދު 11:26 އެހާކަންހާއިރު ފުލުހުންނަށް ރިޕޯޓްކޮށްފައިވޭ" ފުލުހުންގެ މީޑިއާއިން ބުންޏެވެ.

"މި ހާދިސާއާ ގުޅިެގން ބަލަންޖެހޭ ކަންކަން ފުލުހުން ގެންދަނީ ބަލަމުން،" ފުލުހުން ބުނެފައިވެއެވެ.