މާލޭގެ ގެއެއްގައި އަލިފާނުގެ ހާދިސާއެއް ހިނގައިފިއެވެ.

އެމްއެންޑީއެފް އިން މިއަދު ބުނީ މ. އެންޒިއަންގޭގެ ތިންވަނަ ފަންގިފިލާގައި އަލިފާނުގެ ހާދިސާއެއް ހިނގައިގެން އެމްއެންޑީއެފް ފަޔާ އެންޑް ރެސްކިޔު ސާވިސް އިން ހަރަކާތްތެރިވަމުން އަންނަ ކަމަށެވެ. އަދި މިހާރު އަލިފާންގަނޑު ނިންވާލާފައިވާ ކަމަށް ވެސް ބުންޏެވެ. އެމްއެންޑީއެފް އިން ބުނީ އެ ހާދިސާގައި، ދުމުގެ އަސަރުކޮށްގެން ހަތަރު މީހަކު ވަނީ ހޮސްޕިޓަލަށް ގެންދެވިފައިވާ ކަމަށެވެ.

މި ހާދިސާއާ ގުޅޭ އިތުރު ތަފްސީލެއް ފުލުހުން ވެސް އަދި އެމްއެންޑީއެފް އިން ވެސް ހާމައެއް ނުކުރެއެވެ.