އަމީނީ މަގުގައި ހުންނަ ކޭއެފްސީ ރެސްޓޯރެންޓުގެ ބިއްލޫރިގަނޑަށް އަނެއްކާވެސް ގެއްލުން ދީފިއެވެ.

ފުލުހުން މިއަދު ބުނީ ކޭއެފްސީގެ ބިއްލޫރިގަނޑަށް ގެއްލުން ދީފައިވާ ކަމުގެ ރިޕޯޓު ލިބުނީ ރޭ 4:32 ހާއިރު ކަމަށެވެ. އަދި އެ މައްސަލަ ފުލުހުން ބަލަމުން އަންނަ ކަމަށް ވެސް ބުންޏެވެ.

ނަމަވެސް އެ މައްސަލާގައި އަދި މީހަކު ހައްޔަރު ކޮށްފައިވާ ކަމަކަށް ފުލުހުން ހާމައެއް ނުކުރެއެވެ.

މިމަހުގެ 16ވަނަ ދުވަހު ވެސް ކޭއެފްސީ ބިއްލޫރިގަނޑަށް ވަނީ ގެއްލުން ދީފައެވެ.

މިދިޔަ އަހަރުވެސް ކޭއެފްސީ އަށް ގެއްލުން ދީފައިވެއެވެ. އެފަހަރު ޖެހީ ކަޅުތެލެވެ. މިދިޔަ އަހަރު ކޭއެފްސީގެ އިތުރުން ޕިއްޒާ ހަޓާ ކޮކާކޯލާގެ ގުދަނަކަށް ވެސް ކަޅުތެޔޮ ޖެހިއެވެ.