މާލޭގައި ގެއަކަށް ވަދެ މީހަކު ބަރަހަނާ ކުރުމަށްފަހު ފޭރިއްޖެއެވެ.

އެކަމާއި ގުޅިގެން ފުލުހުން މިރޭ ބުނީ މި މަހުގެ 24 ވަނަ ދުވަހު މާލޭގެ ގެޔަކަަށް މީހަކު ވައްދާ ބަރަހަނާކޮށް ބިރުދައްކައިގެން ކޭޝް ކާޑުގެ ޕިން ހޯދުމަށް ފަހު އެކައުންޓުގައިވާ ފައިސާ ފޭރުނުގެ މައްސަލައެއް ހުށަހެޅި ކަމަށެވެ.

އެ މައްސަލައާ ގުޅިގެން ދެ މީހަކު ވަނީ ހައްޔަރު ކޮށްފައިވާ ކަމަށާއި ހައްޔަރު ކޮށްފައި ވަނީ އުމުރުން 26 އަހަރާއި 35 އަހަރުގެ ދިވެހި ދެ ފިރިހެނުން ކަމަށްވެސް ފުލުހުން ބުންޏެވެ.

އެ މައްސަލައާ ގުޅިގެން ހައްޔަރު ކުރި މީހުންގެ ބަންދާމެދު ގޮތެއް ނިންމަން ކޯޓަށް ހާޒިރުކުރުމުން އެކަކުގެ ބަންދަަށް 30 ދުވަސް އަނެއް މީހާގެ ބަންދަށް 60 ދުވަސް ޖަހާފައިވާ ކަމަށް ފުލުހުން ބުންޏެވެ.