ޓެކްސް އެޕީލް ޓްރިބިއުނަލްގެ ހަތަރު މެންބަރަކު މަގާމުން ވަކިކުރަން ރައީސް ޑރ. މުހައްމަދު މުއިއްޒަށް ލަފާ ދިނުމަށް ނިންމާ، އެކަން ރައްޔިތުންގެ މަޖިލީހުން ފާސްކޮށްފިއެވެ.

ރައްޔިތުން މަޖިލީހުގެ މިއަދުގެ ޖަލްސާގައި އެގޮތަށް ލަފާ އަރުވަން ފާސް ކުރަން ފެންނަ ކަމަށް 63 މެންބަރަކު ވޯޓު ދެއްވެވިއެވެ. 10 މެންބަރަކު ވޯޓު ދެއްވީ އެކަން އެގޮތަށް ކުރުމަށް، ރައީސަށް ލަފާ އެރުވުމާއި ދެކޮޅަށެވެ.

ވަކި ކުރަން ލަފާ ދެއްވި ހަތަރު މެންބަރުން:

  1. ޓްރިބިއުނަލްގެ ރައީސް މުހައްމަދު މުނައްވަރު
  2. ޓްރިބިއުނަލްގެ ނައިބު ރައީސް ހުސެއިން ޒައިދާން ޖަލީލު
  3. ޓްރިބިއުނަލްގެ މެންބަރު އަހްމަދު އަޝްރަފް
  4. ޓްރިބިއުނަލްގެ މެންބަރު ހަދީޖާ ނައީމް

ޓެކްސް އެޕީލް ޓްރައިބިއުނަލްގެ ހަތަރު މެންބަރަކު ވަކި ކުރަން މިއަދުގެ މަޖިލިސް ޖަލްސާގައި ފާސްކޮށްފައި ވަނީ ޖުޑީޝަރީ ކޮމެޓީން ދިރާސާކުރި މައްސަލައަކާއި ގުޅިގެންނެވެ. އެ މައްސަލާގައި ޓެކްސް އެޕީލް ޓްރައިބިއުނަލްގެ މެންބަރުންތަކެއްގެ މައްސަލަ ބެލުމަށް އޭސީސީން ތަހުގީގު ކުރަން އެދިފައިވެއެވެ.