އިންޑަސްޓްރިއަލް މަސައްކަތްތައް ކުރަމުން ގެންދާ ކ. ތިލަފުށީ ގުދަނެއްގައި ރޯވެ، އަނދަމުން އެބަދެއެވެ.

އަލިފާން ރޯވެފައި ވަނީ މެރިންޑޯ މެރިންވޯކްސްގެ ވޯކްޝޮޕްގައެވެ. އެތަނުގައި އަލިފާން ރޯވާން ފެށީ މިއަދު ހެނދުނު 8:30 އެހާކަންހާއިރުގައެވެ.

މަންޒަރު ދުއް މީހަކު ބުނީ އަލިފާން ރޯވި ގުދަނުގެ މަތިން މީހަކު ސަލާމަތްވުމަށް ފުންމާލިތަން ފެނިފައިވާ ކަމަށެވެ.

އެމްއެންޑީއެފުން ބުނީ އެ ހާދިސާއާ ގުޅިގެން، ޒަހަމްވި މީހަކަށް އައިޖީއެމްއެޗް ހޮސްޕިޓަލުގައި ފަރުވާދެމުންދާ ކަމަށެވެ. އަލިފާން ނިއްވުމުގައި އެމްއެންޑީއެފް ތިލަފުށި ފަޔަރ ސްޓޭޝަނުން ދަނީ ހަރަކާތްތެރިވަމުންނެވެ.