ކުރިމަތިވާ ދަތި އުނދަގޫ ހާލަތްތަކަށްވެސް ފަހަތަށް ނުޖެހި ކުރިމަތިލައިގެން ކާމިޔާބީ ހާސިލުކުރުމަށް މަސައްކަތްކުރުމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު އިލްތިމާސް ކުރައްވައިފިއެވެ.

އެމަނިކުފާނު މިފަދައިން ވިދާޅުވީ މިރޭ އޮތް މަޖީދިއްޔާ ސްކޫލުގެ "ސައްތަވީ ބިނާ" އިފުތިތާހުކޮށްދެއްވުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.

ރައީސް މުއިއްޒު ވަނީ ހަޔާތުގައި ކުރާ ކޮންމެ ކަމެއްގައިވެސް ކާމިޔާބީއާ ހަމައަށް ދިއުމަށް ހިންމަތާއެކު ނުގުޑާފަދަ ވަރުގަދަ އަޒުމެއްގައި މަސައްކަތްކުރެއްވުމަށް ބާރުއަޅުއްވާފައެވެ. އަދި އެމަނިކުފާނު ވަނީ މާތް ރަސްކަލާނގެ އަންގަވާފައިވާ ގޮތަށް އެމީހަކަށް ކުޅަދާނަވެގެންވާ މިންވަރަކުން ހިއްމަތާއެކު މަސައްކަތްކޮށް ކާމިޔާބީ ދެއްވުން އެދި ވަކީލުކުރުމަށްވެސް ރައީސް ވަނީ ބާރުއަޅުއްވާފައެވެ.

މަޖީދިއްޔާ ސްކޫލުގެ 'ސައްތަވީ ބިނާ' ރައީސުލްޖުމްހޫރިއްޔާ އިފުތިތާޙްކޮށްދެއްވުން: ފޮޓޯ | ރައީސް އޮފީސް

އެއާ ހިލާފަށް ކުރިމަތިވާ ހުރިހާ ޗެލެންޖްތަކަށް ކުރިމަތިލައިގެން ހުރިހާ ހުރަސްތަކެއް ގިރާކުރުމުގެ އަޒުމުގައި ކުރިއަށްދާށޭ ތިމަންނަ މި ހުރީ،" ރައީސް މުއިއްޒު ވިދާޅުވިއެވެ.

ރައީސް މުއިއްޒު ވިދާޅުވީ ވަރުގަދަ އަޒުމެއްގައި ބުރަ މަސައްކަތްކޮށް ކާމިޔާބު ހާސިލްވާނެ ކަމަށާއި ދަތި އުނދަގޫ ކަމެއް ނޯންނާނެ ކަމަށެވެ.