ގެއްލުނު ބޯޓު އޮތީ އިންޖީނު ހުއްޓިފައި، އެންމެންގެ ހާލު ރަނގަޅު

ލ.ގަމުން ފުރައިގެން މާލެ ދަތުރުކުރަމުންދަނިކޮށް ރޭ ގެއްލުނު "އަކިރިސް" ބޯޓު، އެމްއެންޑީއެފް އިން މިއަދު ހޯދައިފިއެވެ.

ބުދަ ދުވަހުގެ ރޭ ފަތިހު ހަ ފަޅުވެރިން ހިމެނޭހެން 14 މީހުންނާ އެކު، އެ ބޯޓު ގެއްލިގެން ރިޕޯޓްކުރީ ރޭ 7:10ހާއިރު ކަމަށް އެމްއެންޑީއެފުން ބުންޏެވެ.

ބޯޓުން ދަތުރުކުރި މީހުންގެ ތެރޭގައި ދެ ދިވެހީންނާއި 12 ބިދޭސީން ހިމެނެއެވެ. ބޯޓު މިއަދު ފެނުނުއިރު، އެންމެންގެ ހާލު ރަނގަޅު ކަމަށް އެމްއެންޑީއެފުން ބުންޏެވެ.

އެމްއެންޑީއެފުން ބުނީ އެ ބޯޓު ހޯދާފައި ވަނީ މިއަދު ހެނދުނު 8:50 ހާއިރު، މ. ރަތްމަންދޫގެ އިރުން 22 ނޯޓިކަލް މޭލު ބޭރުން، އިންޖީނު ހުއްޓިފައިވަނިކޮށް ކަމަށެވެ.