މިދިޔަ ބުރާސްފަތި ދުވަހުގެ ރޭ މާލޭގައި ހިނގި ނުރައްކާތެރި އެކްސިޑެންޓުގައި އަނިޔާވި ޒުވާނާ ރޭ މެންދަމު ނިޔާވެއްޖެއެވެ.

އައިޖީއެމްއެޗްގައި ފަރުވާދެމުންދަނިކޮށް ނިޔާވީ ގދ. ގައްދޫ މުހައްމަދު ލީވާން، 21، އެވެ. އޭނާ ނިޔާވީ ރޭ މެންދަމު 2:10ގައެވެ.

މިއީ ވޭތުވެދިޔަ 48 އިރުތެރޭގައި އެކްސިޑެންޓުގައި ނިޔާވި ދެ ވަނަ މީހާއެވެ.

މިދިޔަ ބުރާސްފަތި ދުވަހުގެ ރޭ ހުޅުމާލޭގައި ހިނގި ނުރައްކާތެރި އެކްސިޑެންޓެއްގައި 23 އަހަރުގެ ޒުވާނަކު ވަނީ މަރުވެފައެވެ.

މިދިޔަ ބުރާސްފަތި ދުވަހުގެ ރޭ ލީވާން އެކްސިޑެންޓްވީ ‎ސައިކަލެއްގައި ބާރަށް ދުއްވާފައި ދަނިކޮށް، ބޮޑުތަކުރުފާނު މަގާއި ކޮއިމަލާ ހިނގުން ގުޅޭ ކަންމަތީގައި ކާރެއްގައި ޖެހިގެންނެވެ.