"ނޮލެޖް ހަބް"ގެ ނަމުގައި ހާއްސަ ޕްރޮގްރާމެއް ސްޓެލްކޯ އިން އިފުތިތާހްކޮށްފިއެވެ.

އެ ޕްރޮގްރާމް އިފްތިތާހުކޮށް ދެއްވީ ސްޓެލްކޯގެ މެނޭޖިން ޑިރެކްޓަރ ހުސައިން ފަހުމީއެވެ.

ސްޓެލްކޯ އިން ބުނީ އެފަދަ ޕްރޮގްރާމެއް ފެށުމުގެ މަގުސަދަކީ އީޖާދީ ވިސްނުމާ އެކީ ޚިދުމަތުގެ އެންމެ މަތި ގިންތިއަށް ވާސިލްވުމުގެ އަމާޒުގައި އަދި މުވައްޒަފުންގެ މެދުގައި ނަފްސު ތަރައްޤީ ކުރުމުގެ ރޫހު އާލާކޮށް ބަދަހިކަމާ އެކު ގުޅިގެން ކުރިއެރުމުގެ ފިކުރު އަށަގެންނެވުން ކަމަށެވެ.

ފަހުމީ ވިދާޅުވީ މިއީ މިކުންފުނީގެ މުސްތަގުބަލާ ދޭތެރޭ ވިސްނާ ފިކުރުކޮށް ކުރިމަގު ރާވައިލާ ޕްލެޓްފޯމަކަށް ވުމަކީ ވަރަށް އުންމީދު ކުރެވޭ ކަމެއް ކަމަށެވެ.